விஜய் படத்தின் முக்கிய கதாபாத்திரத்தில் லட்சுமிராய்?

இளையதளபதி விஜய்யுடன் ஜோடி சேர ஆசைப்படுவதாக நடிகை லட்சுமி ராய் கூறியுள்ளார். டைரக்டர் விஜய் தற்போது இயக்கி வரும் படம் தாண்டவம். இப்படத்தில் சீயான் விக்ரமுடன், அனுஷ்கா, ஏமி ஜாக்சன் நடித்து வருகின்றனர். முக்கிய கதாபாத்திரத்தில் லட்சுமிராய் நடித்து வருகிறார்.

இப்படத்தின் இறுதி கட்ட படப்பிடிப்பு நடந்து வருகிறது. அடுத்ததாக இயக்குனர் விஜய், நடிகர் விஜய்யை வைத்து தலைவன் என்ற படத்தை இயக்க உள்ளார்.

இதனிடையே தாண்டவம் படப்பிடிப்பின்போது லட்சுமிராய், இயக்குனர் விஜய்யிடம் இளைய தளபதியுடன் நடிக்க வேண்டும் என்ற தனது நீண்டநாள் ஆசையைத் தெரிவித்துள்ளார்.

அதற்கு டைரக்டர் விஜய்யும், தான் எடுக்கும் தலைவன் படத்தில் ஒரு முக்கிய கதாபாத்திரம் தருவதாக வாக்களித்துள்ளதாக சொல்லியிருக்கிறாராம்.