ஜல்லிகட்டு காளையாக ஜில்லா

பொங்கல் ஜல்லிகட்டில் களமிறங்க வேகமாக வளர்ந்து வருகிறது விஜய்யின் ஜில்லா.
விஜய், காஜல் அகர்வால், மோகன்லால் நடிப்பில் உருவாகி வரும் படம் ஜில்லா.

புதுமுக இயக்குனர் நேசன் இந்தப் படத்தை இயக்கி வருகிறார். இமான் இசையமைக்க, ஆர்.பி.செளத்ரி தயாரித்து வருகிறார்.

மதுரையை கதைக்களமாகக் கொண்டு எடுக்கப்பட்டு வரும் இந்தப் படத்தில், காவல்துறை அதிகாரியாக வருகிறார் விஜய்.

படத்தின் பெரும்பாலான காட்சிகளை கிட்டத்தட்ட எடுத்து முடித்துவிட்டார்களாம்.

பாடல்கள் காட்சிகள் மட்டும் தான் இன்னும் பாக்கி இருக்கிறதாம்.

இந்த மாத இறுதியில் பாடல் காட்சிகளை படம்பிடிக்கப் போகிறார்கள். மேலும் சில பாடல்களை வெளிநாட்டில் படமாக்க இருக்கிறார்களாம்.

பொங்கல் வெளியீடு என அறிவித்து விட்டதால் முன்கூட்டியே படத்தை முடித்து சென்சார் போர்டுக்கு அனுப்பப் போகிறார்களாம்.